[东方报]友誼賽：日本鬥巴西球星大晒冷

國際熱身賽有好戲上演，日本同巴西喺中立場新加坡交鋒，雙方踢法同風格相似，而且已經踢慣踢熟，過去多次對壘都鬥得燦爛，今仗冤家碰頭有望迅速入局鬥攻。翻查兩隊近9次對賽，有8次總入球開3球或以上，一於再追2.5球入球大。（周六晚上6時15分開賽）

日本足球師承巴西，踢法亦崇尚「森巴足球」嘅進攻思維，近年甚至可以同傳統勁旅抗衡，包括2022年世盃擊敗德國、西班牙。今屆世盃分組賽亦打和荷蘭2比2，晉級32強遇上巴西，一度領先上半場，最後戰至補時先以1比2輸波，可見日本已具備一線強隊實力。主帥森保一今次徵召久保建英等多位效力歐洲球會嘅主力，備戰態度認真，力爭重演上年熱身賽以3比2擊敗巴西嘅好戲。

森巴兵試陣踢得開放
至於巴西領隊安察洛堤亦精銳盡出，巴塞隆拿射手拉芬夏比洛尼、皇馬翼鋒雲尼斯奧斯祖利亞、阿仙奴中場般奴古馬雷斯等球星都有入選，攻力有保證。不過，「森巴兵團」仍然處於重建之中，預料安察洛堤會盡量試用更多球員，踢法會比較開放。參考巴西近3場熱身賽取得2勝1和，合共入9球及失3球，今仗可望再次大手交易，大盤要得過。