3
这个楼主还没有留下简介。
回复讨论
0
登录后可参与回复讨论。
当前还没有回复,欢迎成为第一个参与讨论的人。

曼聯天才新星JJ加比爾嘅轉會風波,似乎邁向結局篇,據報呢位16歲小將已決定加盟皇家馬德里。西班牙媒體爆料,皇馬今次收購總投資高達1,500萬歐元,不過曼聯作為培訓母會,最終只會收到大約30萬歐元嘅微薄培訓補償金,認真慘情!
據西班牙《每日體育報》報道,皇馬同JJ加比爾傾掂數,明年1月就會簽5年合約,連埋經理人佣金、簽字費、中介費、培訓費等等,交易總額高達1,500萬歐元,而曼聯只係分到30萬歐元培訓補償。報道指曼聯對呢個結果非常不滿,打算提出反對,不過關鍵係JJ加比爾透過家人拎到歐盟護照,唔會受英國18歲以下球員轉會禁令限制。
僅16歲嘅JJ加比爾一直係曼聯青訓系統嘅瑰寶,上季更贏得U18英超最佳球員獎,但呢位天才新星因不滿喺曼聯上位速度太慢,所以要求轉會尋求新發展。巴黎聖日耳門、拜仁慕尼黑、巴塞隆拿同車路士等都對佢虎視眈眈,最終由皇馬捷足先登。