羅美路接棒球王 變身阿根廷新隊長

阿根廷領隊史卡朗尼確認，基斯甸羅美路將接替「球王」美斯，成為新任阿根廷隊長，當羅美路不在場，達米安馬天尼斯、拿達路馬天尼斯同迪保羅都可以戴上隊長臂章。

史卡朗尼表示：「羅美路一直排喺美斯同奧達文迪之後，係阿根廷第3隊長。嚟緊10月6日對貝寧嘅熱身賽，美斯告別國家隊，到時羅美路將會接過隊長臂章。」早在去年世盃外圍賽對智利、熱身賽對委內瑞拉同今年世盃前熱身賽對毛里塔尼亞，羅美路先後做過3次隊長，今次正式坐正。