熱刺半價出售李察利臣　愛華頓點睇？

熱刺領隊迪薩比同巴西前鋒李察利臣關係跌至冰點，英超註冊被取消，離隊只係時間問題，據報熱刺打算明年1月冬季轉會市場將其出售，標價1,500萬至2,000萬鎊，即今夏出售價一半，其母會愛華頓有機會接貨。

英國傳媒報道，李察利臣同熱刺合約至明年夏天屆滿，明年1月進入最後6個月，李察利臣可自行同海外球會接洽，由於取消註冊，李察利臣不會再為熱刺上陣，如果明年1月出售，可收回部份成本，因此願意割價出售。

今年夏天愛華頓曾有意回購李察利臣，出售3,500萬鎊，雙方接近達成交易，但最後一刻取消，其後土耳其、沙特同巴甲都傳過斟介，但無一成事。

29歲嘅李察利臣仍然有市場，1,500萬鎊至2,000萬鎊價錢，估計不乏買家，李察利臣亦深受愛華頓球迷擁戴，問題係莫耶斯想唔想喺冬窗搵番佢。