文仙尼回巢救唔番意軍

同日另一場歐國聯A1組賽事，意大利「冠軍主帥」文仙尼回巢領軍第一擊，出師不利，主場以0比2不敵比利時，並創兩大恥辱紀錄，包括近40年首次主場淨輸2球兼冇波入，同埋近54年首次正式賽事輸畀比利時。

主場首吞比利時兩蛋
文仙尼今次重掌帥印落筆打三更，一開波就陷入劣勢捱打，20分鐘，米卡葛斯個人突破後起腳射入，比利時領先1比0。換邊後，後備上陣嘅盧克巴基奧遠射入網，贈意大利兩蛋。

比利時新帥雲邦美話非常滿意球隊表現，呢支「歐洲紅魔」自1972年之後首次正式賽事擊敗意大利。