[东方报]歐霸：A米搶分大反擊

歐霸盃大戰，意甲名牌AC米蘭迎戰匈牙利球會費倫斯華路士，睇牌面「紅黑兵團」贏晒，不過事實係A米3戰只得1勝，相反費倫斯華路士歐洲賽5連勝，信心爆棚。A米要搶分出線焗攻，駁火味道濃，3.5入球大要捧場。（Now 639周五凌晨1時45分直播）

費倫斯華路士唔赦鬥攻
A米今季表現不穩，不過啱啱喺打吡戰擊敗國際米蘭，對球員信心提升大有幫助。教練魯賓艾摩廉希望用主攻踢法，尤其喺聖西路球場出擊非常進取，近4場主場入咗11球，而且對上3場主場總入球全開4球或以上，美國前鋒基斯甸普列錫近期進入狀態，「紅黑兵團」火力有保證。

費倫斯華路士係今屆歐霸最神奇球隊，佢哋由外圍賽開始打起，喺歐戰已錄得5連勝，包括聯賽階段3戰贏晒，而且贏得好有說服力，試過作客3比1贏些路迪，上輪就4比1大破杜連斯。費倫斯華路士最近4場比賽狂入15球，士氣高昂，作客都唔驚同A米鬥攻，開入球大機會高。