曼城面臨禁踢歐洲賽10年

曼城被英超賽會控告「財務違規」罪成後，除咗面臨被罰扣減聯賽分數及褫奪犯案期間獲得嘅冠軍之外，歐洲足協（UEFA）現時亦準備出手處罰「藍月亮」，消息指UEFA已制訂方案，一旦曼城上訴失敗，就會跟隨英超向「藍月亮」作出重罰，可能禁止曼城參加歐洲賽7至10年。屬於歐聯常客嘅曼城，如果未能出席呢項大賽，將損失巨額收入，同時難以吸引球星加盟，甚至現有主力都會要求離隊，短期內恐怕難以翻身。