坦哈格專訪爆大鑊：球員炮轟高層係受C朗影響

早前曼聯中堅利辛度馬天尼斯炮轟管理層增兵不力，幾乎觸發內亂，正當事件暫時平息之際，曼聯前領隊坦哈格突然加把口，佢近日接受專訪時認為，曼聯球員炮轟高層，係受C朗影響！

56歲嘅坦哈格於2022至24年期間執教曼聯兩季，甫接手球隊僅半季就同當時隊長C朗發生衝突，結果C朗解約離隊，雙方成為「死敵」，今次利馬事件，坦哈格直接將矛頭指向C朗。

坦哈格直言：「球會過份縱容球員，助長呢種『有毒文化』，馬德里派系（C朗、華拉尼、卡斯米路）影響球隊，令球員有話事權，例如C朗，佢操練唔達標，落場又唔追波，自把自為。」

利辛度馬天尼斯實際上係坦哈格嫡系，嚟到曼聯後C朗等人被同化，先會作出炮轟高層行為。