7
这个楼主还没有留下简介。
回复讨论
0
登录后可参与回复讨论。
7
熱刺終於喺周二凌晨英超打開勝利之門，主場以3比1擊敗高雲地利後，由榜尾成功跳上第16位。熱刺今場有兩大神兵感動回歸，古路施夫斯基養傷526日後終於復出，英格蘭球星占士麥迪臣亦相隔536日後首次擔正，呢位英超遠射王更一展身手，轟入世界波，重現「掟鏢」經典慶祝動作。
麥迪臣踢正選入世界波
熱刺開季6場不勝排榜尾，領隊迪沙比今場變陣，經歷過嚴重膝傷嘅麥迪臣自上年4月後，首次喺英超正選披甲，佢亦冇令擁躉失望，14分鐘喺禁區外抽入世界波，打破610日英超入球荒。呢球亦係麥迪臣第21個英超禁區外入波，自佢喺2018年登陸英超後，冇人比佢入更多。
下半場高雲地利一度由積克魯當尼追平，不過熱刺58分鐘由馬莫殊建功，完場前熱刺換入瑞典球星古路施夫斯基，亦係呢位中場因膝傷休息526日後首次上陣，獲得球迷如雷掌聲。熱刺補時由賓戴維斯建功，鎖定今季英超首場勝利。
29歲嘅麥迪臣賽後表示：「呢個係我嘅夢想，喺膝頭韌帶重創嘅黑暗日子，你一直會夢想呢種場面、呢種入球，所以我非常激動，同時我亦為古路施夫斯基重返球場感到驕傲。」
