不甘做後備　蘇比文迪1月離開阿仙奴

由正選變後備，上陣時間愈嚟愈少，阿仙奴西班牙中場蘇比文迪唔想再浪費時間，打算明年1月離隊，對佢有興趣嘅球隊非常多，可謂不愁出路。

27歲嘅蘇比文迪上季以6,000萬鎊由皇家蘇斯達加盟阿仙奴，首季即幫球隊贏得英超冠軍，不過佢嘅上陣時間卻愈嚟愈少，今季僅6次後備上陣，比賽時間只有100分鐘，淪為邊沿球員。

英國傳媒報道，阿仙奴已經知道蘇比文迪想法，正為佢制定離隊方案，包括外借及出售，據報至少7支球隊對這位27歲中場有興趣，計有皇馬、巴塞、馬體會、拜仁、多蒙特、車路士、利物浦等。