[东方报]歐冠：搏命求反彈 曼城射爆萊比錫

剛經歷英超2連敗嘅曼城，今晚喺歐聯作客RB萊比錫，係佢哋贏波止跌好機會，事關RB萊比錫踢法以攻代守，今仗隨時同曼城駁火，「藍月亮」整體實力明顯較強，近3次交手更加全勝，包括3年前16強次回合大勝7比0，今場勝望濃，客勝屬信心之選。（Now 643周四凌晨4時直播）

曼城近期表現略有起伏，包括早前歐聯主場2比4不敵衞冕嘅巴黎聖日耳門，前仗英超負於維拉腳下中止聯賽長勝紀錄，上仗再輸畀白禮頓，連英超榜首都冇埋，但其實佢哋唔係踢得差，只係對手踢得特別好先搞到輸波，「藍月亮」急需要一場勝仗止瀉，今場對住「私房菜」RB萊比錫，肯定唔會留手，全力爭勝。

夏蘭特喜遇「私房菜」
有個重要數據，曼城鋒霸艾寧夏蘭特出道至今，入波最多嘅對手就係RB萊比錫，包括效力多蒙特同曼城共8次交手，總共攻入12球，包括3年前贏7比0嗰場個人獨取5球，今場又係夏蘭特數胡好機會。

RB萊比錫今屆重返歐聯，至今3戰錄得1勝2負，兩場敗仗分別作客敗於科木同皇家馬德里腳下，比數同樣輸1比4，今場好大機會再輸，曼城客勝放心捧。