2
这个楼主还没有留下简介。
回复讨论
0
登录后可参与回复讨论。
2
歐國聯A3組終極一戰，西班牙主場迎戰英格蘭嘅重頭戲，喺兩大勁旅提早鎖定8強資格下，依家變成例行公事，今場肯定唔會搏命。「三獅兵團」本身有唔少主力掛免戰牌，防線難予人信心，面對「狂牛兵團」嘅頂尖鋒線，相信一撞就散，難以招架，主勝放心捧場。（周一凌晨3時45分開賽）
英格蘭上場2比1擊敗克羅地亞，5戰4勝提前出線，分組賽唯一輸波，就係首循環2比3輸畀西班牙。「三獅兵團」近年雖然進步神速，不過面對「狂牛兵團」仲係輸多贏少，包括兩年前歐國盃決賽飲恨。睇番兩支勁旅近4次交鋒，西班牙有3次贏波，「狂牛兵團」始終技高一籌。
狂牛有默契邊個踢都掂
英格蘭喺鎖定出線情況下，今場戰意成疑，部分主力可能會被收起，以英格蘭嘅人腳未必可以保持戰力。領隊杜曹本身已經冇咗馬克古希、尼高奧萊利、列斯占士等守將，今次英格蘭防線有拉雜成軍感覺，上場對克羅地亞就有昆沙送禮導致失波，後防危機重重。
西班牙依家狀態巔峰，贏完歐國盃冠軍再贏世盃冠軍，今屆歐國聯亦5戰全勝，陣中球星合作多年，邊個落場都可以將體系完美發揮。上場因傷休戰嘅拉明耶馬，據報今場可以復出，令「狂牛兵團」如虎添翼，主場出擊有望再贏英格蘭，主勝穩開。
