3
这个楼主还没有留下简介。
3
曼聯上場英超作客0比2不敵車路士，各項賽事連續9場不勝，並已捲入降班旋渦，賽後領隊卡域克堅稱自己仍然會領軍出戰嚟緊周三(4日)凌晨歐聯主場對羅馬，歐洲各大傳媒預料，紅魔鬼等到11月中旬國際賽檔期，先至會換帥。
卡域克被傳媒問到下場歐聯對羅馬，是否繼續由佢領軍，回應話：「當然係，我會安排球員準備好迎接呢場比賽，其實我哋今場英超上半場表現唔錯，創造唔少具威脅攻門，應該入1、2球，甚至有機會入3球，只要之後贏波，聯賽排名好快會上升。」
曼聯踢完歐聯對羅馬之後，將於下周一(9日)凌晨英超主場對阿士東維拉，跟住就會進入國際賽檔期，有近2星期冇波踢。歐洲各大傳媒推測，如果曼聯未來2場再失利，管理層會趁國際賽檔期換帥，意大利名帥干地、前紐卡素領隊艾迪侯域被視為下一任紅魔鬼領隊大熱，曼聯11月23日凌晨英超作客利物浦，隨時由新帥領軍。
