英超「第1滴血」唔係卡域克　利物浦成催命符

英超第10輪賽事完結，進入國際賽期又係換帥高峰期，據報今季「第1滴血」已經出現。英國傳媒爆料，水晶宮周日(8日)輸畀利物浦後，已決定將領隊沙治炒魷，前熱刺領隊法蘭克成為接任大熱人選。

水晶宮周日主場對利物浦，被阿歷斯麥亞里士打、域斯同阿歷山大伊沙克攻陷，最後慘輸1比3，英超4連敗後排喺榜尾位置。多間權威媒體爆料，水晶宮已決定將今年6月先上任嘅沙治炒魷，依家正接洽丹麥領隊法蘭克，好大機會由呢位前賓福特、熱刺主帥接任。

博彩公司一直將曼聯領隊卡域克列為「英超下個被炒領隊」大熱，但依家好可能被沙治搶先一步。據報曼聯目前仍未決定卡域克嘅去留，如果卡域克可以繼續留低，曼聯國際賽後首場聯賽就要作客利物浦，「紅軍」有望連續2場送對方領隊一程。